我有一份唔错既职业，唔错既地方系人工唔错。我系一个精品文具推销员。所谓精品文具，就系将文具包装得美仑美奂。将原本最简单既文具，化成最无谓既奢侈品，将原子笔加上唇膏，擦胶加相架之类既野。总之背后有一班好似疯狂科学家一样既人，将所有野左拼右拼，妄想有朝一日可以造出奇美拉一样。而我就系负责推销既人。将自己认为无用既野用各种技巧哄骗人购买，将比原本价值贵一百倍既野讲成物超所值。虽然大部分都系因为产品本身既名气而得售出。世间大部分人都最爱将钱用系毫无价值既地方，与其系咁，不如用一百倍价钱去买拾荒者执返来既汽水罐。

总之，每次我售出一样无用既野，就感觉身体有一部分消失，为左填补差距既价值，我身体就一点一点随之消失。

所以辞职时，我反而觉得松一口气。

星期日既早晨，绝对唔算好天气。天空灰蒙蒙一片。云压得低低，一副准备将大地掩没既姿态。空气一整日都弥漫住潮湿翳焗既味道。不过终归都系冇落雨既一日。

我到中环既写字楼报到，一个女孩负责接待。

「你好。我叫Mona，系陈生既秘书。」女孩自我介绍。

合身既灰色西装一条折痕都冇。光滑既黑色丝袜套系一对修长既脚。合身既白裇衫突显胸部既曲线。亮泽黑发扎成整齐发髻。简单斯文既黑色胶框眼镜。眼镜后有一对动人既眼睛，加上漂亮既五官。典型既美女。不过当中似乎缺乏某种近乎想像力既野。

Loading...

未加载完，尝试【刷新】or【退出阅读模式】or【关闭广告屏蔽】。

尝试更换【Firefox浏览器】or【Edge浏览器】打开多多收藏！

移动流量偶尔打不开，可以切换电信、联通、Wifi。

收藏网址：www.seahobook.com

(＞人＜；)