「你有冇听过voyager？」原本静静坐向后座既陈生突然咁问。

「voyager？」

「voyager。意思系航海家。系一架无人探测船既名。」陈生又开始谈论时事。好似怕我同社会脱节一样，又可能佢只系想揾个人讲野。陈生经常都会讲好多社会时事。我望住缓缓上斜既马路驾驶，答：「冇，未听过。」

「虽然叫航海家，其实佢系一架太空船，用途系探测比深海更广阔既宇宙。」倒后镜里面既陈生，面上依然挂住同平时一样和蔼可亲既笑容。我嗯一声和应。

「不过由某种意义来讲，漆黑既深海，同无边无际既宇宙，其实都系一样。

「2013年9月13日凌晨两点，NASA宣布，经过36年既旅程，航海家1号已经比历史上既任何人、任何事都飞得更远。最后，系离太阳120亿英里之外既地方，航海家1号终于离开太阳系，继续向更深邃既宇宙迈进。预计航海家1号既电池只系足够提供到2020年。向2025年，就唔会再有电力维持任何仪器。之后，航海家1号依然会继续旅程，独自一人向更广袤既宇宙前行。」

「无边无际既宇宙，未知既空间，听落都觉得好神秘。你想唔想做驾驶员？」陈生突然问我。

「架野唔系无人驾驶既咩？」

「哈哈哈哈。系呀。如果要一个正常人自己系黑鼆鼆既宇宙无止境咁漂流，应该好快就会发癫。如果知道自己搭既系冇回程票既太空船，冇目的地既漫长旅程，以后只可以孤身一人望住无边既黑暗，根本冇人会上船。」

Loading...

未加载完，尝试【刷新】or【退出阅读模式】or【关闭广告屏蔽】。

尝试更换【Firefox浏览器】or【Edge浏览器】打开多多收藏！

移动流量偶尔打不开，可以切换电信、联通、Wifi。

收藏网址：www.seahobook.com

(＞人＜；)